Nisjen e prezantimit të Paketës Speciale Anti-KÇK, siç e cilëson ai, kryeministri Edi Rama e nisi me akuzat ndaj opozitës sa i përket çeljes së negociatave.
Sipas tij gjithçka është bërë nga opozita ka pasur vetëm një qëllim, bllokimin e çeljes së negociatave, pasi ka frikë nga drejtësia e re.
“Në themel të kësaj përpjekje ka qenë frika nga drejtësia. Frika nga drejtësia e lidhur me mundësinë reale të çeljes së negociatave, pas të cilave dihet botërisht se vjen një ballafaqim serioz i vendit për efektivitetin e një sistemit të drejtësisë. Dhënia e provave konkrete mbi faktin se e gjithë reformë në drejtësi, gjithë bagazhi ligjor i krijuar në këto vitet e fundit korrespondon me kapacitetetin e sistemit të drejtësisë për të dënuar pavarësisht statusit sociali, influencës apo forcës. Që do të thotë adresim i korrupsionit deri në nivele më të larta. Kjo ka qenë në themel të gjithë asaj përpjekje që kulmoi me një situatë absurde, në procesin zgjedhor”, tha Rama.
“Refuzimi i negociatave ishte si pjesë e një konflikti të brendshëm, për mënyrën se si duhet të reformohet Bashkimi Europian”, tha më tej kryeministri Rama, sa i përket mos hapjes së negociatave./ Opinion.al
