Kryeministri, Edi Rama, ka publikuar në rrjetet sociale mëngjesin e së martës pamje nga projekti i rindërtimit të godinës së maternitetit “Mbretëresha Geraldinë”, pasi u dëmtua nga tërmeti i 26 nëntorit. Në videon kreu i qeverisë tregon se si do të jetë godina e re e maternitetit.
Po ashtu, Rama bën me dije janë duke ndërtuar edhe tre maternitete të tjera në vend.
“Mirëmëngjes dhe me fillimin e investimit të shumëpritur për zgjerimin dhe rindërtimin e plotë të maternitetit të vjetër të Tiranës pas dëmtimeve nga tërmeti, teksa janë duke u ndërtuar nga themelet edhe 3 maternitete të tjera në vend, ju uroj një ditë të mbarë”, shkruan Rama.
