Kryeministri Edi Rama ka publikuar mëngjesin e kësaj të diele pamje nga Teatri Kombëtar i Operas dhe Baltetit, i cili është rikonstruktuar.
Në një postim në faqen e tij zyrtare në “Facebook”, kreu i qeverisë shprehet se pret me padurim ngritjen e perdes së skenës së këtij teatri, i cili më 15 shtator do të mbajë shfaqjen e tij të parë pas rikonstruksionit.
“MIRËMËNGJES
dhe me padurimin e ngritjes së perdes së skenës së Teatrit të Rilindur Kombëtar të Operas e Baletit, ku në mbrëmjen e 15 shtatorit do të ngjiten artistë që u rritën aty për të kapur majat e botës, por edhe artistë të huaj të atyre majave të botës, ju uroj të diel të mbarë”, shkruan Rama.
Sikurse bëhet me dije në videon e publikuar nga kryeministri në inaugurimin e teatrit do të ngjiten në skenë kolosët boterore Placido Domingo dhe Ermonela Jaho./Opinion.al
