Në zonën e ish-fabrikës së tullave në Lushnjë vazhdon puna për ndërtimin e parkut të prodhimit të energjisë diellore, që do t’i shtohet prodhimit të gjelbër në vendin tonë.
Lajmin e ka bërë të ditur kryeministri Edi Rama, i cili ka ndarë pamjet nga kantieri dhe shkruan se gangrena e plehrave e shëruar do të jetë së shpejti një park prodhimi energjie diellore.
“Mirëmëngjes dhe me progresin e mbresëlënës në transformimin e fushës së ish-fabrikës së tullave në Lushnjë, ku një gangrenë plehrash e shëruar do të jetë së shpejti një park prodhimi energjie diellore që do të integrohet në sistemin tonë elektroenergjitik duke shtuar prodhimin e gjelbër, po edhe një hapësirë shlodhëse për qytetarët lushnjarë, ju uroj një ditë të bukur”, shkruan Rama.
