Kryeministri Rama ka reaguar sërish në lidhje me çështjen e Teatrit Kombëtar, kësaj radhe duke argumentuar mbi projektin e tij. “Asnjë centimetër katrorë nuk do të preket nga trualli i teatrit” shkruan Rama por shton se “një truall matanë murit rrethues të teatrit, në pronë të bashkisë do t’i jepet privatit”.
Megjithatë kjo gjë do të behët në këmbim që kompania e ndërtimit të ndëtojë teatrin e tij me kapitalin e tij dhe “pa asnjë qindarkë nga buxheti i shtetit” shkruan Rama.
Kryeministri i cilëson shpifje akuzat se trualli i teatrit po i jepet privatit dhe ka përfshirë në postimin e tij një video me pamjet e truallit në pronë të bashkisë që do ti kalojë kompanisë “Fusha”.
“A është ky truall një vlerë arkeologjike, historike, kombëtare apo kulturore, që po e humbet Shqipëria me këtë partneritet Publik-Privat për Teatrin e Ri Kombëtar? Dhe nëse jo, a nuk i’a vlen që në këmbim të këtij trualli, i cili do t’i bashkëngjitet pronave private përreth, Shqipëria të përfitojë një Teatër të Ri Kombëtar të denjë për Shqipërinë që duam?” mbyll Rama postimin e tij. /Opinion.al
