Rama: Nuk kam thënë që kam 3 mijë euro pasuri

I pyetur për raportin e OSBE-së ku Rama akuzohet se ka një pasuri prej 200 milion eurosh, kryeministrit nuk i kanë mbajtur nervat duke u shprehur se “Më vjen shumë keq, por në krahasim me atë që të thashë kjo që do të them, kjo nuk është asgjë. Por do përmbahem. Unë jam ai që jam. Raporti i OSBE-se, ndërkohë që OSBE e ka sqaruar, kjo është përmbledhje e mediave shqiptare. Këtë e ka shkruajtur një website injorantësh. Nuk ka offshore në Shtetet e Bashkuara të Amerikës. Ky raport është bërë nga një punonjës, i cili është shkarkuar nga puna. Madje po ju them që unë s’kam deklaruar se kam 3 mijë euro pasuri”, ka thënë Rama.