Në konferencën e përbashkët me përfaqësuesin e lartë të BE-së Borrel dhe kryekomisionerin Europian Varhelyi, Kryeministri Rama deklaroi se hapi tjetër pas reformës në drejtësi do të jetë ai që lidhet me prokurimet publike.
Ai pohoi nuk do të ketë më zyrtarë të lartë që do të kenë lidhje me tenderat.
“Po përgatisim një reformë që do të përmbysë tërësisht procesin e zbatimit të prokurimeve publike, që siç vlerësohet nga raportet e komisionit kanë bërë përparime. Por heqja e prokurimeve nga duart e institucioneve është objektivi ynë. Dhe për këtë po bashkëpunojmë me agjencinë e Kombeve të Bashkuara dhe nuk do të ketë më zyrtarë të lartë që do të kenë lidhje me prokurimet publike. Kjo do ta ngrejë Shqipërinë në një tjetër nivel në çështjet e transparencës dhe luftës kundër korrupsionit”, tha Rama./Opinion.al
