Kryeministri Rama ka njoftuar një kanal emergjence online ku qytetarët mund të shprehen lidhur me shqetësimet e tyre gjatë periudhës së krizës së pandemisë së koronavirusit.
Në një postim në Facebook, Rama shkruan se në këtë kohë është e rëndësishme që të ketë komunikim të vazhdueshëm të individit me shtetin.
“Nga sot ju keni në dispozicion një kanal emergjence për të komunikuar drejtëpërdrejtë me mua dhe çdo ministër, duke përdorur ajfonin apo kompjuterin tuaj, duke e adresuar hallin tek www.shqiperiaqeduam.al”, shkruan Rama.
Kryeministri shton se shqetësimet e adresuara në këtë kanal do t’i përcillen atij ose ministrave përkatës. /Opinion.al
