Kryeministri Edi Rama teksa foli në Kuvend në lidhje për reformën në drejtësi si dhe për prokurorët dhe gjykatësit e shkarkuar nga procesi i vetting-ut deklaroi se një prokuror në Durrës është pjesë e bandave.
Rama tha se ky prokuror i bën presion edhe administratës shtetërore. Kryeministri nuk e publikoi emrin e prokurorit, por paralajmëroi se të gjithë prokurorët të cilët janë kapur me shkelje të ligjit nga vetting-u do të përballen me dënime nga sistemi i ri i drejtësisë.
“Për reformën në drejtësi, e kam thënë që vetingu nuk është pushim nga puna por pastrim i sistemit. prokurori i durrësit është pjesë e bandave. Do flasim ndryshe kur të shikoni kur këto që po iu them, janë saktë”,-tha Rama./ Opinion.al E.Xh.
