Në mbledhjen e sotme të Komitetit të Emergjencave, Kryeministri Edi Rama tha se do të sanksionohet me ligj, sigurimi i banesës dhe biznesit. “Jemi i vetmi vend që nuk e ka këtë detyrim me ligj në një kohë kur buxheti i shtetit nuk është në gjendje të dëmshpërblejë”, theksoi Rama.
Sipas tij, ka mbaruar emergjenca e motit dhe ka nisur faza e dytë, ajo e reagimit mbi pasojat.”Për sa na takon, ne do të bëjmë, e përsëris, maksimumin, – theksoi Kryeministri, – siç kemi bërë edhe herën e shkuar (viti 2015) pa lënë askënd pa kompensuar deri në fund për dëmet që ka pasur”. Në këtë mbledhje nuk u dhanë detaje mbi mënyrën se si do kryhen kompensimet për të përmbyturit dhe as një afat se kur do të nisin.
“Duhet të bëjmë disa ndërhyrje të tjera, që janë nënvizuar edhe në ditët e fundit nga ministri i Mjedisit për të marrë masa për afatgjata për mbrojtjen e shtretërve të lumenjve nga aktivitetet dëmtuese dhe mbjelljen e pemëve ku dëmtimi serioz i pyjeve ka sjellë erozion”, u shpreh Kryeministri.
/Opinion.al
