Kryeministri Edi Rama ka marrë pjesë në mbylljen e fushatës së PS në Vaun e Dejës ku ka kërkuar votat për kandidatin Kristjan Shkreli.
Në fjalën e tij, Rama i kërkoi Zef Hilës, kandidatit të Metës dhe Berishës për këtë bashki që të mos tentojë të shpërndajë para për blerjen e votave.
Ai tha se raste të tilla nuk do të tolerohen, duke përmenduar rastin e të dy punonjësve të bashkisë Shkodër të cilët sapo ishin kapur me 50 qese me ushqime të ndryshme në tentativë për t’i shpërndarë.
“Zef mos i merr në qafë njerëzit duke shpërndarë para për vota se është shumë vonë. Më beso mua, unë e di se ti nuk e bën këtë, se e drejta turke nuk e lejon por mos lejo të tjerët të bëjnë këtë punë, sepsekështu po kapen shumë, edhe pak më parë ishin kapur disa të tjerë. Këta është e bukur se kur kapen thonë “po na vjedhin votat”.
Zef është kryer kjo punë, me 14 maj Kristjani do marrë stafetën. Sepse ka një arsye shumë të thjeshtë, nuk është punë socialistësh e punë demokratësh, por është punë pune. Ne nuk vijmë këtu për të thënë këtu hajdeni të gjithë e bëhuni socialist, se nuk e duam këtë. Unë personalisht kam shumë respekt për demokratët, demokrat jam edhe vet sa ç’jam edhe socialist”, u shpreh Rama./Opinion.al
