Kryeministri Edi Rama ka zhvilluar dëgjesën e radhës me banorët e Vaqarrit ai ka folur me ta për platformën e tij për bashkëqeverisjen. “Po ndërtojmë bazën e një koalicioni të madh që do të jetë fuqia e domosdoshme për sfidat shumë të mëdha që kemi përpara. Koalicion i madh mes PS dhe njerëzve të zakonshëm, të cilët duam t’i bëjmë pjesë aktive të qeverisjes”, u shpreh Rama.
Ai u dha mesazh njerëzve të zakonshëm të jenë solidarë e të raportojnë për çdo problem, shqetësim apo arbitraritet që shohin në jetën e tyre të zakonshme nga persona të ngarkuar të bëjnë detyrën. “Kam shumë besim se nëse do të arrijmë ta thyejmë pengesën e mosbesimit, sikletit që vjen nga mosbesimi që kanë njerëzit e zakonshëm, nëse ata e ndjejnë përgjegjësinë se janë në gjendje të mbrojnë vetveten dhe komunitetin, atëherë trupa që e mbron këtë pacenueshmëri është shumë më e madhe”- tha Rama, duke kujtuar se nuk janë spiunë gjermanët që janë aq të ndjeshëm me ligjshmërinë e asaj që ndodh rreth tyre. /opinion.al
