Kryeministri Edi Rama zhvilloi pasditen e sotme një takim me gratë e qarkut Fier, në kuadër të fushatës elektorale për zgjedhjet 2025. Nga Roskoveci, Rama premtoi se në Shqipërinë 2030, paga minimale do të jetë 650 euro.
Pjesë nga fjala e Ramës:
“Paga minimale sot është 400 euro, në janar të 2026 do jetë 500 euro. Objektivi është që në Shqipërinë 2030, paga minimale do jetë 650 euro. Paga mesatare në sektorin publik ishte 320 euro në 2013, sot është 848 euro, me të dhënat e fundit, paga mesatare 2.6 herë më e lartë. Bizneset e vogla, deri në 100 mijë euro, taksë zero. 66 milionë euro i merrte shteti, duke i bërë uljen e taksës dhe TVSH në zero, këto 66 milionë euro në vit janë shpërndarë nga bizneset. Për bizneset deri në 140 mijë euro, edhe për to, 58 milionë euro në vit, nuk i ka marrë shteti, por ua ka lënë atyre.”
