Kryeministri Edi Rama ka vijuar sot takimet në kuadër të fushatës elektorale në bashkinë e Malësisë së Madhe në Shkodër, për të prezantuar kandidatin Tonin Marinaj.
I informuar se kandidati i koalicionit “Bashkë Fitojmë” në Malësi të Madhe, Isa Ramaj, flet për dallime fetare mes kandidatëve, Kryeministri Rama tha se këtij kandidati myslimanët nuk do t’i japin kokërr vote.
Sipas tij asnjë nga figurat e mëdha të historisë sonë nuk ka qenë pro përçarjes fetare, madje prej tyre kemi mësuar se shqiptarët si katolikë dhe myslimanë janë një.
Për këtë arsye ai thekson se kandidati i koalicionit “Bashkë Fitojmë” nuk duhet të votohet.
“Dëgjova se këtu ka një kandidat që i fryn përçarjes fetare. Vetëm për këtë arsye atij nuk i duhet më dhënë asnjë votë, Kjo zonë e Shqipërisë ka nxjerrë shumë figura të mëdha të historisë sonë, figura të mëdha të komunitetit katolik e mysliman por nuk njoh asnjë prej tyre që t’i ketë fryrë përçarjes fetare.
Përkundrazi, prej tyre kemi mësuar se shqiptarët janë një dhe katolikët e myslimanët
Unë jam katolik, gruaja myslimane, 2 fëmijët nga martesat e para janë ortodoks dhe i vogli do e vendosi vetë. Nuk ka poshtërsi më të madhe se sa të flasësh shqip dhe t’u thuash njerëzve ndahuni në myslimanë dhe katolikë. Myslimanët në radhë të parë do t’i thonë ‘shko për dreq’ , s’ke asnjë kokërr vote nga ne”, tha Rama.
