Kryeministri Edi Rama ndodhet ditën e sotme në Kurbin, ku prezantoi kandidaten e për kryetare Bashkie, Majlinda Cara,
Rama theksoi se zgjedhjet e 30 qershorit janë demokratike dhe pse opozita nuk do të marrë pjesë. Ai theksoi se opozita që është larguar me dëshirë nga procesi dhe nuk është përjashtuar nga askush.
Rama u ndal dhe te protesta e djeshme e opozitës,ndërsa shtoi se protestuesit e plagosur u goditën nga huliganë të cilët ishin të pajisur me shufra hekuri.
“Plaku që i mban lidhur ai kokrat e tespieve, nxori sikur protestuesit janë rrahur nga policia, por në fakt ata janë rrahur nga ata vetë. Huliganë me shkopa hekuri, që iu shkaktuan gjithë ato dëmtime. Sado inat ta kenë këtë qeveri, si mund të shkojnë të përzihen në turma ku disa vijnë me shkopa hekuri, kur në vijën e parë janë njerëz me kapuç të zinj, kur i dyti iu bërtet dhe i ulëret instinkteve më të egra të njeriut për të përdorur dhunë. Gjithmonë e më pak do të jenë. Nuk meritojnë as respektin e demokratëve që janë qytetarë të ndershëm, që mund të duan një qeveri tjetër, por jo që Shqipëria të kthehet prapa. Kanë drejtues që ishte kryebashkiak i Tiranës dhe nuk rregulloi sahatin. Shqiptarët e dinë që ka plot politikanë që i dinë shqiptarët për budallenj, por shqiptarët e dinë dhe kanë një arsye që nuk e thonë pse nuk hyjnë në zgjedhje. Kanë frikë nga zgjedhjet, por kanë panik edhe nga drejtësia, nga Reforma në drejtësi prandaj duan rrëmujë që të mund të përmbysin edhe Reformës”,– tha Rama./ Opinion.al E.Xh.
