“Nëse nuk ndodh mrekullia në orët që mbeten, ne nesër nisemi drejt 18 Qershorit pa PD-në”. Kështu u shpreh Kryeministri Edi Rama në komunikimin e tij javor me ndjekësit në faqen e tij në FB.
Rama ka fajësuar direkt ish-Kryeministrin Berisha dhe kreun e PD-së Lulzim Basha si njerëzit që po sakrifikojnë partinë historike për interesat e tyre personale.
Ai e ka konsideruar verbëri fatale të liderit hakmarrës dhe kryetarit të ri që imiton të vjetrin.
“Perpjekja dhe durimi yne nuk mjaftoi, që frikën tja heqim këtyre njerëzve që po sakrifikojnë këtë parti historike për interesat e tyre personale”, deklaroi Rama duke ftuar votuesit demokratë të shkojnë në zgjedhje.
