Kryeministri Edi Rama u pyet lidhur me ngjarjen e ndodhur më 21 janar të vitit 2011, të cilën ai e quan krim shtetëror.
Ai ka thënë se në drejtësia e re nuk merr përsipër 21 Janarin, të tjerat do të jenë si kafet e Nexhmije Hoxhës.
Gjatë fjalës së tij, Rama ka theksuar se sipas tij, 21 Janari është krim shtetëror dhe se aty ka një zinxhir vrasjesh.
”Pa u dënuar fajtorët e vërtetë për 21 Janarin, drejtësia në Shqipëri do të jetë e gjymtuar dhe pa të gjithë fuqinë që duhet të ketë një sistem i drejtë drejtësie. 21 Janari, krim shtetëror dhe në vendimin e Gjykatës së Starsburgut, janë vendosur e zeza mbi të bardhë, fiks gjërat, të cilat me fjalë të tjera i kemi përsëritur. Aty ka një zinxhir krimesh, nuk është vetëm vrasja, por janë një sërë krimesh. Nëse drejtësia e re nuk merr përsipër 21 Janarin, të tjerat do të jenë si kafet e Nexhmije Hoxhës”, u shpreh Rama./Opinion.al
