Ideja se Edi Rama kërkon të zëvendësojë PD është artikuluar nga gazetarët dhe analistët, por sot Kryeministri e ka deklaruar vetë kur tha se ne do përfaqësojmë edhe ata që i tremben zgjedhjeve dhe drejtësisë.
Duke folur nga Kukësi në një miting që po transmetohet live në kanalin e tij online ERTV, Rama u shpreh: “Thoni miqve shokëve të lagjes se ata që nuk duan të hyn në zgjedhje i tremben drejtësisë. Ne do të marrim përsipër barrën që ti përfaqësojmë edhe ata. Politikanë që kanë frikë drejtësinë nuk i duhen dreqit jo me popullit. Ata që janë në çadër duhen të pushohen nga puna. Me votën e zgjedhësve po bëjnë të pamundur drejtësinë. Nuk janë votuar për këtë…”
Kutjojmë se Vangjel Dule dhe Fatmir Mediu e kanë pohuar publikisht se një diplomat i huaj u ka kërkuar të regjistrohen në zgjedhje, pra të braktisin PD. Po kështu ka patur zëra se Edi Rama i ka kërkuar edhe Idrizit të PDIU-së të regjistrohet në zgjedhje si opozitë. /Opinion.al
