Këtë të enjte, studentët janë sërish në protestë para Kuvendit. Ata refuzojnë kërkesat për dialog, por duan te plotësohen 8 kërkesat që kanë paraqitur. Studentët duket se janë të vendosur për realizimin e qellimeve te tyre pasi dhjetëra prej tyre kanë qëndruar edhe në mbrëmje, ne temperatura te uleta, para Kryeminstrisë dhe Ministrisë së Arsimit, ku kanë ndezur edhe zjarre për t’u ngrohur.
Rama ka kërkuar disa here dialog dhe komunikim me studentët e universiteteve publike por ka marre vazhdimisht pergjigje negative. Kerkesat e tyre jane te panegociushme dhe ata thone njezeri se kushdo qe ulet ne dialog me Ramen, nuk i perfaqeson ata.
Kreu i qeverisë shpjegon se adresimi i tetë pikave duhet të nisë pa humbur kohë, por per kete kerkon negociata. Edhe pse studentet vazhdimisht ngulmojne ” Jo negociata, jo dialog” nje sere adresash falso ne internet shperndajne thirrje te ndryshme me orare e vende fikse per dialog me kryeministrin.
Nese nuk jane vertete thirrje te studenteve, te cilet prej 9 ditesh qendrojne ne temperatura te uleta, per plotesimin e kerkesave te tyre, kush fshihet pas ketyre adresave falso?
Kujtojme se gjate gjithe ketyre diteve nje sere akuzash jane hedhur ndaj te rinjve te FRESSH. Ata hidheshin në sulm kundër studentëve e pro dialogut ne cdo video live te Rames, mirëpo, ata janë “kapur mat” në rrjetet sociale. Ishte i njëjti koment, nga adresa të ndryshme në profilin e Ramës qe i nxorri zbuluar.
” Kjo histori qe te gjithe te shkojne ne universitet, mos paguajne tarifa, moa paguajne as taksa kur shkojne ne pune dhe te kerkojne super cilesi, eshte pak si e veshtire. Se vertetet Gjermania e ka universitetin publik falas, por te merr 80% te rroges taksa” shkruanin komentuesit me adresa të ndryshme.
Fill pas kesaj u zbulua dhe prejardhja e komenteve, direktivat kishin ardhur nga Elio Hysko, kryetari i FRESSH.
Ne fund te mesazhit ai shkruante : Komentet qe duhen bere.
Kujtojme gjithashtu se te marten ne mbremje Rama, u shfaq para disa studenteve ne emisionin “Top Show” por perballe tij u zbulua se qendronin anëtarë të FRESSH dhe të rinj të afërt me Partinë Socialiste.
Pavarësisht tentativave për mbulim nga ana e tyre, dhjetra profile nëpër rrjetet sociale kanë denoncuar studentët, duke i lidhur ata ngushtësisht me PS-në përmes dëshmive me foto.
Që në momentet e para të nisjes së emisionit jane shperndare me dhjetëra denoncime lidhur me personat që gjendeshin përballë Ramës në studio.
Lidhja e tyre me forumet dhe përfaqësues politikë të PS-së bëhej edhe më e qartë përmes fotove, që po vetë të deklaruarit student kishin publikuar në rrjetet e tyre sociale.
Disa prej pjesëmarrësve madje pranuan se ishin pjesë e FRESSH, mirëpo sipas tyre kjo nuk i ndalonte që të ishin pjesë e emisionit. 
Ndërkohë studentët e vërtetë të kësaj proteste qëndronin deri mëngjesin e sotëm, duke sfiduar të ftohtin në ambientet e jashtme të kryeministrisë, madje dy prej tyre kishin shfaqur dhe probleme shëndetësore.
Mesa duket i vënë në vështirësi nga bojkoti i studentëve, kryeministri shperndan thirrje per dialog nga faqe te paidentifikuara, e profile falso qe kerkojne dialog.
Por studentet e ngjirur duken te vendosur.
‘’Në takimin me kryeministrin të shkojnë FRESSH-istat që hanë sufllaqe. Protesta jonë nuk ka dialog.”/Opinion.al
