Nga Thumana ku po zhvillohet konferenca mbi sportin si motor i zhvillimit, kryeministri Edi Rama tha se lëvizja sportive nëpër shkolla do të jetë prioritet për qeverinë.
Sipas kryeministrit Rama, kjo lëvizje është për të nxjerrë talente të reja nga vende që nuk e kanë mundësinë të stërviten dhe nuk evidentohen.
‘Lëvizja sportive në shkolla nuk është për ata që do të bëhen sportistë. Por për shumë më tepër arsye sesa kaq, por është e dhe baza për të nxjerrë talente nga vende që nëse nuk e kanë mundësinë të stërviten nuk evidentohen. Të rrisim hapësira dhe mundësitë për fëmijët që sipas prirjes së tyre të angazhohen në sa më shumë disiplina sportive. Duhet ta rrisim cilësisht në aspektin organizmit atë që nisëm me kampionatet e shkollave që dha rezultat shumë të mirë. Do të vazhdojmë me zgjerimin e infrastrukturës. Kemi sot shumë palestra por duhen akoma. Tani është bërë norma që nuk ka shkolla të reja pa pasur të gjitha mjediset sportive përfshirë edhe palestrën e mbyllur. Lëvizja sportive nëpër shkolla është një prioritet kryesor për ne. Ka të bëjë me të gjitha aspektet se sporti është unikal është i pazëvendësueshëm.’- tha Rama.
