Kryeminisrti Edi Rama po mban fjalimin e tij përmbyllës të fushatës elektorale për zgjedhjet e 11 Majit.
Kryesocialisti u shpreh i bindur se në këto zgjedhje 78 mandate janë 100% të sigurta. Po ashtu Rama renditi arsyet dhe qarqet ku mazhoranca synon mandate plus.
Pjesë nga fjala e Ramës:
“Më e pakta do të marrim 78 mandate. Më qeshën për memorandumin e Kuçit. Po ne aktualisht i kemi 74 mandate. Ku do ta humbim në Kukës. Në Shkodër kemi 3 mandate nga 11, përse do e humbim dhe një. Me atë që kemi bërë me mandatin duam një mandat plus edhe përse sondazhet thonë 2 plus. Në Lezhë kemi 3 mandate nga 7. Në Durrës kemi 8 mandate dhe humbim një vetëm nëse njerëzit e kuptojnë se fuqia e ndryshimit është Oerd Gjinkalla i cili e ka kthyer Durrësin në kantier. 8 mandate në Durrës nuk i lëviz as topi. Mandati i 9 i Elbasanit na mungoi për një fije. Një plus hyn pa asnjë zor te minimumi. Nëse fierakët nuk do ja dinë kënetës që i shpëtoi nga Gjanica. Në Vlorë mund ta marrim dhe të 9-in. Minimumet tona janë 100% të sigurta. Të katërtin plus do ta marrim në Dibër, ku gra e burra do të bëhen shumicë bindëse për PS.
Disa çyryk të berberaneve mediatike thonë Rama i bën llogaritë me votat që blen pasi sipas tyre këtu nuk ka zgjedhje. Por ju, unë të gjithë ne, njerëzit e kësaj armate elektorale e dimë shumë mirë se ne nuk na ka mundur dhe nuk do të na mundë askush për sa kohë do të kemi me vete ambicien e madhe për Shqipërinë, vendosmërinë për ndryshim. Ne jemi bartësit e shpirtit evropian të Shqipërisë, për sa kohë të jemi të tillë askush nuk e ndal ngjitjen tonë drejt BE.
Disa thonë që unë kam lindur me fat për shkak të kundërshtarëve që kam. Disa thonë se ndryshimet i ka sjellë koha. Këta nuk e kuptojnë që koha sjell njerëzit dhe ata bëjnë ndryshimin për mirë apo keq. Do ta ulim Shqipërinë si zonjë në sallonin e Evropës së Bashkuar. Tiranën nuk e harrova. Por përse e lashë jashtë listës së mësipërme. Në Tiranë ne do të marrim 1 ose dy plus duke shkuar në 20. Nuk e harrova, por e lash veç.”
