TIRANË- Kryeministri Edi Rama ka folur për herë të parë për koncensionet e mëdha, të cilat pati premtuar se do ti anulojë sapo të vinte në pushtet.
Ai tha se këto konensione janë çimentuar nga qeveria dhe parlamenti i mëparshëm. “Kemi marrë avokatë të huaj dhe na kanë thënë se e keni të humbur gjyqin në arbitrazh. Ndaj jemi stepur. Po ju them se në Shqipëri ka një rast unik që nuk i gjendet lloji në gjithë Europën, kundër çdo rregulli. Por nuk kemi çfarë ti bëjmë se e ka votuar parlamenti shqiptar. Dhe gjykata e huaj njeh parlamentin dhe jo emrat e kryeministrave”, u shpreh Rama.
