Teksa Kryeministri Edi Rama ndodhet në SHBA për vizitë zyrtare dhe ku pritet të takojë edhe Presidentin Obama, zgjohet lobi i LSI në Shtetet e Bashkuara. Pikërisht dje kur Rama mbërriti në New York, në gazetën ‘Washington Times’publikohet një Opinion nga Jason Katz me nota pozitive për Shqipërinë dhe Ilir Metën. Autori i shkrimit, Katz është ish-kreu i marrëdhënieve me publikun në Komitetin Amerikano-Hebre. Ai shkruan se Ilir Meta do të vizitojë Uashingtonin në fund të këtij muaji. Pra mbi një vizitë të kreut të Kuvendit gjatë këtij muaji në SHBA, NE e mësojmë përmes medias së huaj.
Ja çfarë shkruan ai për kreun e LSI dhe të Kuvendit: “Z.Meta, një nga politikanët më me ndikim në vendin e tij, por edhe në rajon, e nisi karrierën duke kryesuar një lëvizje të guximshme studentore kundër komunizmit, e cila vlerësohet se solli pluralizimin politik në Shqipëri. Si kryeministër, ministër i Jashtëm dhe kryetar i Kuvendit, Meta ka fituar reputacion për pikëpamjet e tij reformatore dhe për dedikimin e thellë për integrimin euro-atlantik”.
Shkrimi i plote per Meten ne Washington Times
/Opinion.al
