Kryeministri Edi Rama po zhvillon një konferencë të përbashkët me presidenten e Komisionit Europian, Urusula Von der Leyen në ambientet e Kryeministrisë.
Teksa falenderoi presidenten e KE për mbështetjen e dhënë për Shqipërinë, Rama bëri me dije se në pranverën e vitit 2024 do të jetë gati aksi hekurudhor Tiranë- Durrës-Rinas.
“Është kënaqësi që të takohemi, jo se kështu e kërkon edukata diplomatike por realisht se ne e kemi ndjerë KE-në nën udhëheqjen tuaj më afër se kurrë më parë dhe lirshmëria e shërbimit si Ministre e Mbrojtjes ndaj kësaj zone është theksuar më shumë me drejtimin e Komisionit. Ne jemi të vetëdijshëm që fal jush kemi pasur një mbështetje më të madhe seç do ta kishim për tërmetin. Ashtu siç jemi të vetëdijshëm se në këtë situatë falë qasjes së Komisionit dhe falë qasjes suaj personalisht përsëri ne nuk jemi vetëm. Dua ta falenderoj presidenten për këtë ndalesë në Tiranë. Kemi qenë së bashku për të parë punimet e hekurudhës së re, e cila jo për shkak të burokracisë së komisionit, por për shkak të burokracisë të Bankës Evropianë për Rindërtim dhe Zhvillim projekti është vonuar, por jemi në kushtet kur në pranverën e vitit 2024 do të kemi aksin hekurudhor Tiranë-Durrës-Rinas”, u shpreh Rama./Opinion.al
