Kryeministri Edi Rama ka ftuar në podcastin e tij ‘Flasim’ të ditës së sotme stafin mjekësor të QSUT-së, që morën pjesë në operimin e tij për heqjen e apendesitit.
Gjatë bisedës, një prej mjekëve, kirurg Arben Beqiri tha se fakti që kryeministri Rama zgjodhi që të operohej në sistemin publik dhe mbi të gjitha sipas tij fakti që zgjodhi kirurgë që përfaqësonin një forcë tjetër politike është shenjë emancipimi.
Ndër të tjera mjekët tregojnë se kanë operuar shumë figura publike, ministra e zv.ministra, por kjo ishte hera e parë që operonin në sistemin publik një person me pozitë kaq të lartë.
“Rama: Jam këtu së bashku me 5 burra që më hynë në trup. Për një person të vetëm, privilegj për pozicionin që unë kam apo është një praktikë që është e ngjashme edhe për njerëzit e zakonshëm?
Arben Beqiri: Sëmundjet janë të ndryshme, por pacientët janë njësoj.
Rama: Para se të largoheshit erdhët të shtrati dhe më dhatë dorën e më thatë ne kemi operuar shumë, ministra, zv.ministra, por fatkeqësisht deri më sot vetëm në spitale private.
Arben Beqiri: Fakti që ju zgjodhët sistemin publik shqiptar, ndër të tjera zgjodhët kirurgë që përfaqësonin një forcë tjetër politike, tregon se në fakt kjo është një formë e emancipimit ose rritjes së besimit.
Rama: Isha shtrirë kur prof. Gjata erdhi dhe tha kemi me vete edhe një ish-ministër shëndetësie.
Kryeministri Edi Rama kreu më 17 prill një ndërhyrje kirurgjikale me urgjencë në orët e para të mëngjesit për heqjen e appendisitit, ndërhyrje e cila rezultoi e suksesshme. Kreu i qeverisë u diagnostikua me appendisit akut.”
Kujtojmë që kryeministri Rama iu nënshtruar ndërhyrjes në QSUT për heqjen e apendisitit./Opinion.al
