Kryeministri Edi Rama e ka marrë fjalën në parlament, duke iu kundërvënë opozitës e cila ngriti shqetësimin për protestat e aktorëve të Teatrit. Ai u shpreh me ironi se opozita kapet pas fijes së barit për të ardhur në pushtet.
“Ne jemi të pakonkurueshëm, nuk vini dot në pushtet duke mbështetur këto kauza. Pa më thoni për ca vuajnë artistët?! Më thoni mo ju që na qaheni për elitën e kulturën, ca keni bërë ju për ta?! Dhe e dyta: A keni parë në ndonjë vend të botës që artistët të ngrihen për mure. Ne do ta ndërtojmë teatrin e ri kombëtar dhe atë godinën aty do ta shembim që ta keni të qartë”, deklaroi kryeministri në foltoren e Parlamentit.
Sakaq, Edmond Spaho i kujtoi se artistët nuk janë kundër teatrit të ri, por kundër kullës që mund të ndertohet karshi tij.
/Opinion.al
