Në takimin përmbyllës elektoral në Librazhd, kryeministri Edi Rama ka njoftuar se rruga Qukës–Qafë Plloçë pritet të hapet për qarkullim në fund të kësaj vere.
Rama theksoi përmirësimet në menaxhimin e fondeve për projektet infrastrukturore, duke kritikuar qasjen e mëparshme ndaj kompanive ndërtuese.
Në përmbyllje të takimit elektoral në Librazhd , Rama u ndal gjithashtu te përmirësimet ekonomike, duke përmendur uljen e kredive të këqija dhe papunësisë, si dhe rritjen e pagave, ku sipas tij paga mesatare në sektorin shtetëror ka arritur në 1000 euro. Synimi, tha ai, është që deri në vitin 2030 të mos ketë asnjë pensionist me pension nën 200 euro.
“Rruga Qukës-Qafë Plloçë do të hapet në fund të verës. Ajo që ishte më e rëndë para vitit 2013 ishte se kompanive nuk iu jepeshin lekë dhe prandaj rrugët mbetën rrugëve. Tani ka dalë bufi dhe thotë shtatë herë shtatë bëjnë 6 milionë. Janë ulur kreditë e këqija dhe papunësia. Pagat janë më të larta. Paga mesatare në sektorin shtetëror është 1000 euro. Ne duam që në Shqipërinë 2030 të mos ketë pensionist me pension nën 200 euro”, tha Rama.
