Edi Rama: Janë bërë përpjekjet maksimale për të marrë atë që na takon, këtë nuk e them unë këtë nuk e themi ne. Këtë tani më e ka thënë jo vetëm me shkrim Komisioni Europian por thuhet nga një pjesë e madhe e kryeministrave të BE dhe kancelaria e Gjermanisë. Kam marrë një numër të konsiderueshëm mesazhe drejtpërdrejt nga një pjesë e kryeministrave të pranishëm në takim. Kam komunikuar edhe me presidentin e Francës dhe faktikisht nëse duam të shikojmë drejt në sy të vërtetën është ajo që kam thënë prej disa kohës që duke e parë në të gjitha kontaktet se procesi po shkonte drejt një përplasje qasjesh mes Francës dhe Gjermanisë. Franca nuk pranon të vazhdohet me të njëjtin proces, Franca kërkon një reformim të brendshëm të BE dhe transformim të vetë procesit të integrimit madje deri në pikën që të arrihet një tjetër objektiv për horizontin e integrimit.
Rama: Azilantët e këto të tjerat janë bishta… Ne i kemi plotësuar kushtet!
Edi Rama: Azilantët jo këto, jo ato janë bishta. Tema është postuar gjetkë. Vlen të nënvizohet se kemi marrë një refuzim për tu marrë në konsideratë për çeljen e negociatave, por nuk kemi marrë asgjë më shumë se kaq. Rruga jonë është e njëjta, pa asnjë ndryshim. Ato që kemi bërë deri tani e do vazhdojmë ti bëjmë, i kemi bërë e do vazhdojmë ti bëjmë për vendin tonë. Do vazhdojmë me plotësimin e parakushteve të Bundestagut, për reformën zgjedhore dhe në pritje të plotësimit të gjykatës kushtetuese. Do vazhdohet më pas me pjesën tjetër që ka të bëjë më pikë për pikë kërkesa të lidhura me funksionimin më të mirë të shtetit tonë dhe institucioneve. Para samitit të Zagrebit do bëjmë këto dhe gjitha të tjerat. Kjo është një përplasje mes të mëdhenjve, dhe është një lojë në thonjëza qasjesh dhe interesash që është shumë më e madhe se sa ne. Dua ta vë theksin shumë qartë tek fakti se ata të cilët që janë jashtë nesh, ata që përfaqësojnë BE e thonë pa ekuivokë se në mos arritjen e vendimit të djeshëm përgjegjësia është e brendshme e BE-së është e pa pranueshme dhe pajustifikueshme që këtu mes nesh shtrohet diskutimi sikur mos vendimi i djeshëm vjen si pasojë e mos përmbushjes së detyrave. Ne i kemi përmbushur detyrat jo njëherë, por dy herë rresht.
