Gjatë konferencës së përbashkët me Komisionerin e Bashkimit Europian për Zgjerimin dhe Fqinjësinë, Olivér Várhelyi dhe Ministrin e Punëve të Jashtme të Republikës së Çekisë, Jan Lipavský, kryeministri Rama i është përgjigjur pyetjeve të gazetarëve.
Një nga gazetaret e pyeti atë nëse do të bëhen hetime të thelluara për gjyqtarët dhe prokurorët të cilët nuk e justifikojnë pasurinë e tyre.
“Kërkesa për të hapur procese dhe për ndëshkuar gjykatës dhe prokurorë që janë përjashtuar nga vettingu është një kërkesë e BE dhe është një kërkesë e natyrshme e BE që në këtë rast është në sinkron të plotë me kërkesën e popullit që e mbështeti reformën në drejtësi. Një nga momentet e radha kur shqiptarët tejkaluan partitë dhe mbështetën reformën duke kërkuar përmes vettingut të shkojnë në ndëshkim të të gjithë atyre që e kishin kthyer në pazar sistemin e drejtësisë. Besoj se tanimë e kam mësuar si funksionon BE, Komisioni Evropian dhe se si çdo gjë e shkruar është pjesë e memories së Komisionit dhe çfarë thuhet sot nuk harrohet nesër.
Negociatat për anëtarësim janë në vetvete një instrument transformimi, arsyeja pse i kemi kërkuar ka të bëjë me objektivin për të shkuar në anëtarësim të plotë, por ka të bëjë me faktin që negociatat janë një transformim, dije që nuk e dëgjon në asnjë realitet tjetër. Komisoneri e nënvizoi që çdo hap me negociatat, duke nisur nga çdo kërkesë përbën një vlerë të shtuar dhe përbën një mundësi të re për të çuar para gjithë aspektet e jetës së vendit”,-tha Rama.
