Kryeministri Edi Rama është nderuar sot nga Presidenti i Izraelit, Isaac Herzog me medaljen presidenciale, urdhri më i lartë civil i Izraelit.
Gjatë një konference të përbashkët për mediat, Herzog shprehu mirënjohje për popullin shqiptar.
Ai tha se kjo medalje nderon ata si kryeministri Rama, që sipas tij kanë ndriçuar botën me udhëheqje të jashtëzakonshme dhe kanë dëshmuar miqësinë e guximshme me popullin hebre.
”Nder i madh t’u uroj mirëseardhjen në rezidencën presidenciale dhe tu jap medalje presidenciale të nderit të Izraelit, urdhri më i lartë civil i Izraelit. Kjo medalje nderon ata si ju që kanë ndriçuar botën me udhëheqje të jashtëzakonshme, që kanë dëshmuar miqësinë e guximshme me popullin hebre.
Kodi shqiptar i besës, betimi i shenjtë i nderit mbrojtjes dhe integritet ndihet në këtë holl. Besa ka udhëhequr kombin shqiptar, gjatë Holokaustit, shqiptarët ishin simbol nderi dhe kurajo që u dhanë strehë hebrenjve që arratiseshin nga pjesë të tjera të Europës. Kjo thirrje integriteti e nderi e popullit tuaj gjen jehonë fort në udhëheqjen tuaj”, tha presidenti Isaac Herzog.
