Kryeministri Edi Rama në një takim me Ambasadorët e akredituar në vendin tonë foli për rëndësinë e Reformës në Drejtësi, si një proçes që do shndërrojë imazhin e vendit tonë në rajon dhe BE. Ai tha se kurrë më parë në këto 25 vite demokraci, ndërkombëtarët nuk janë angazhuar kaq shumë për një reformë, edhe pse jemi një vend në paqe.
“Është tani e ditur botërisht se rruga që kemi bërë, pavarësisht arritjeve të mëdha, kushtëzohet nga shpejtësia e mbajtjes së premtimit për reformën në drjetësi. Reforma është me interes strategjik për vendin tonë. Reformë me rëndësi të veçantë për raportin e vendit tonë me BE dhe rajonin.
Në këto 25 vite është vështirë të gjëndet një angazhim kaq i gjithanshëm i miqve dhe partnerëve tanë ndërkombëtarë në kohë normale paqeje për Shqipërinë, sa angazhimi për reformën në drejtësi. Ju jeni të parët që e keni vetëdijen e plotë nga kontakti i vazhdueshëm me të gjitha vendet partnere në këtë proçes për peshën e jashtë zakonshme që ka kjo reformë”, tha Rama.
