Kryeministri Rama ka ndarë në rrjetet sociale një video me dëshmi të personave të ndryshëm të shtruar në spital si pasojë e prekjes dhe komplikacioneve nga Covid 19.
Sikurse shihet nga videot mosha e tyre është relativisht e re, ndërsa të gjithë konfirmojnë se nuk janë vaksinuar.
“Në familjen time të gjithë janë të vaksinuar përveç meje se ishte zgjedhja ime. Kjo zgjedhje e gabuar më çoi këtu ku jam. Dua të them të gjithë të rinjtë duhet të vaksinohen pa përjashtim’, u shpreh një pacient. “Po ju them të gjithëve të vaksinohen sepse do të përfundoni si puna ime këtu”, u shpreh një paciente tjetër.
“I bëj thirrje të gjithë moshës sime, edhe më të vegjël, të vaksinohen, një orë e më parë. Po të isha vaksinuar do isha në shtëpi me kalamajtë”, thotë një i tretë në videon që shpërndan Kryeministri.
“Kur përballesh me vendimin e gabuar për të refuzuar vaksinën”, shkruan Rama në postimin që shoqëron videon./Opinion.al
