Në një dalje live në FB, nga banesa e tij Kryeministri Rama ka njoftuar se do të ndalohen frekuentimi i zonës së liqenit nga qytetarët dhe në parqet kreative. Rama tha se më e keqja nuk ka ardhur akoma.
“Më e keqja nuk ka ardhur akoma. Nuk dua t’ju fus frikën, por dua t’ju informoj. Para komunikimit marr miratimin e tyre . Do ndaj me ju çdo të vërtetë që çdo ekspert ndan me mua ne kohë reale. Unë nuk jam ekspert, por nuk ju them asgjë pa marrë aprovimin e tyre. Marr konfirmimin për çdo gjë që ua përcjell juve. Dhënia e të vërtetës është përgjegjësia parësore, dhe kjo është përgjegjësia ime”, u shpreh Kryeministri.
Më tej ai tha, se fati i kësaj lufte, varet nga çfarë do të bëjnë qytetarët.
“Kjo është një luftë e vertetë, që është e gatshmë të godasë sistemet e çdo vendi. Fati i luftës, numri i të plagosurve dhe viktimave varet nga çfarë do të bëjmë ne. Në këtë luftë ajo parrulla qesharake: I gjithë populli ushtar, është motoja e domosdoshme e ditës sonë”./ Opinion.al
