Kryeministri i Shqipërisë, Edi Rama, të mërkurën gjatë prezantimit të platformes online “Infermierë për Shqipërinë” është shprehur se do ketë rritje rroge në sistemin shëndetësor për mjekët dhe infermierët.
Kryeministri tha se në fillim rritja e rrogave do të prekë infermierët, e cila do të jetë një rritje progresive.
Sipas tij, qeveria ka programuar një rritje të mëtejshme të rrogave për infermierët dhe një bonus për mjekët nëse shkojnë në spitalet ku ka mungesë specialistësh.
Rama sqaroi se ky bonues do të jetë 2 milionë e 500 mijë Lekë të vjetra ekstra rrogës bazë të mjekëve.
Sjellim edhe njëherë në kujtesë faktin se kjo deklaratë vjen në kohën kur në vendin tonë ka mungesë të theksuar të personelit mjekësor, për shkak të emigrimit në Gjermani.
Më herët, kreu i qeverisë tha se infermierët që aplikojnë për punë në këtë portal do të rekrutohen vetëm në bazë të meritës dhe nuk do të ketë më lëvizje politike.
Për momentin janë 420 vende të lira pune për infermierët që do të aplikojnë në këto pozicione dhe që do t’i nënshtrohen testimit.
Platforma online e infermierëve ka ardhur pas asaj të prezantuar kohë më parë për mësuesit, e cila rezultoi një praktikë e dështuar. Pasi shumë mësues që dolën fitues në testime, denoncuan se ministria nuk i futi në punë.
