Qeveria “Rama 2” është mbledhur sot në qytetin e Vlorës. Kryeministri në një dalje për mediat tha se ministrat do dalin në terren, do bashkëbisedojnë me qytetarët, nuk do qendrojnë në zyra.
“Eshtë miratuar një proces që detyron çdo muaj anëtarët e kabinetit qeveritar dhe ekipet e tyre të shohin nga afër punët në sektorin e tyre në çdo qark të Shqipërisë. “Këto janë përpjekje për të ndërtuar atë që konsiderojmë domosdoshmëri për Shqipërinë që duam”, ka thënë Rama.
“
Do ndajmë çdo projekt me përfaqësuesit e grupeve të ndryshme të interesit, do diskutojmë me drejtues e administratorë ecurinë e punëve të përbashkëta” shtoi ai.
