Kryesore

Rama: Meta na turpëron, kryetar i shtabit elektoral i opozitës


Bëhu pjesë e Grupit Zyrtar të Opinion.al
>> KËTU <<
               Publikuar në : 12:06 - 04/10/20 |
Opi Nion

Kryeministri Edi Rama ka komentuar deklaratat e fundit të bëra nga presidenti Ilir Meta.

Teksa prezantoi platformën digjitale për vlerësimin nga anëtarësia e PS të kandidatëve për deputet, Rama tha se Meta është zhveshur nga roli i Presidentit dhe është zhytur në fushatë politike.

Kryeministri është shprehur se deklaratat e presidentit “na turpëron ne të gjithëve si qytetarët të këtij vendi”.

 “Më vjen shumë keq por është fakt Ilir Meta është zhveshur plotësisht nga roli i Presidentit dhe njëherë tjetër dhe është zhytur në një fushatë politike për të shpëtuar nga falimentimi shpk-në e Monikës dhe tribusë së tij. Mos prisni asgjë tjetër nga Ilir Meta të paktën deri më 25 prill përveç përshkallëzimit të një retorike që na turpëron ne të gjithëve si qytetarët të këtij vendi që vjen nga goja e presidentit tonë por që nuk duhet të çudisë askënd sepse Ilir Meta është kryetar i shtabit elektoral të opozitës që përdor për këtë zyrën e Ppresidentit të Republikës”, -deklaroi Rama.

Sot, presidenti, me anë të një statusi në “Facebook” reagoi për raportin e “Freedom House” për nivelin e demokracisë në vendin tonë, tha se “konkluzionet e Organizatës “Freedom House” për nivelin e demokracisë në Shqipëri gjatë pandemisë COVID-19, konfirmojnë qartësisht se vendi po rrëshket me shpejtësi drejt një junte me grusht të hekurt”./ Opinion.al

Pas