Kryeministri Edi Rama, sonte, në studion e Eni Vasilit, ka komentuar datën e zgjedhjeve dhe pjesëmarrjen e opozitës ndërsa tha se data e zgjedhjeve është vendosur nga Kushtetuta dhe partitë kanë detyrimin ta respektojnë.
I pyetur për deklaratat e Metës se mospjesëmarrja e opozitës në votime do të ishte katastrofale, Rama tha se kjo varet se si e kupton Ilir Meta.
Kryeministri Rama u pyet edhe nëse Ilir Meta i ka kërkuar të jetë kryeministër i vendit. Sipas tij, ky diskutim as që duhet të shtrohet dhe një kërkesë e tillë nuk i është bërë.
Rama tha se kryeministri i takon atij që arrin rezultat të lartë në zgjedhje ndërsa deklaroi se kjo mund të ndodhë nëse LSI del forcë e parë politike.
