Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Rama – Meta, impulse të reja apo pickime të vjetra?

2015/11/11 at 9:31 AM
në Te Fundit, Unë shkruaj
Kohë leximi: 4 min
A A
Rama – Meta, impulse të reja apo pickime të vjetra?

Nga Blendi FEVZIU

Dorëheqja e befasishme e Ministrit të Drejtësisë Naço ka ngjallur një interes mediatik që në një rast tjetër nuk kishte asnjë arsye të ishte i tillë. I detyruar të largohet apo i dorëhequr për hesap të tij, Nasip Naço më shumë se përmirësimit të qeverisjes i ka shërbyer rikthimit të një klime tensioni, që mes Metës dhe Ramës është tani më evidente se kurrë. Një klime që kulmoi në fillim të tetorit por që u duk se u fashit pas një takimi kokë më kokë, për të cilin, dihen vetëm versionet që mbështetësit e njërit apo tjetrit kanë referuar nëpër kafenetë e Tiranës.


Me gjasë fashitja ka qenë vetëm një stato kuo e përkohshme dhe raporti mes Ramës dhe Metës ngjan thuajse identik me atë mes Nanos dhe Metës në vitit 2001 – 2003. I mbushur me tension, me mesazhe që çohen sa nga misionarë aq me deklarata të koduara publike dhe mbi të gjitha, në një klimë të plotë mosbesimi dhe mosqeverisje. Meta ka dalë sot dhe ka deklaruar që Naço ju hapi rrugë ndryshimeve në qeveri. Atyre që ai i quan impulse të reja. Por Meta ka mundësinë t’i ndryshojë të gjithë ministrat e tij në qeveri. Me Berishën e ka bërë disa herë e madje as ka pritur aprovimin e Kryeministrit. Atëherë përse Meta kërkon impulse të reja dhe çfarë kupton ai me këtë?!

Të besosh se Meta do të luftojë korrupsionin përmes ndryshimeve në Qeveri është si të  tallesh me shqiptarët. LSI është e akuzuara kryesore për korrupsion dhe në dy sondazhe të kryera nga agjensi të specializuara të huaja evidentohet si shqetësimi kryesor. Me shumë gjasë këto studime i janë vënë në dispozicion Ramës e mbase edhe Metës. Dhe ka shumë mundësi për to ka dijeni edhe opozita. Ato kanë qenë në thelb të mërisë që ndërkombëtarët kanë manifestuar ndaj LSI!

Të besosh që LSI do të përmirësojë qeverisjen, atëherë duhet të bësh një pyetje tjetër. Përse LSI nuk thotë se cili sektor çalon? Përse nuk shprehet se ku po dështon Kryeministri dhe qeversja e majtë në përgjithësi?! Dhe cila është përgjegjësia e saj vetë!?

Me shumë gjasë, Meta është futur në një lojë force më Ramën dhe përtej impulsive të reja, ai po kërkon të shuajë impulset e vjetra. Ka shumë veta në Tiranë që e dinë se Meta bën përgjegjës Ramën për raportet e tij të tensionuara me ndërkombëtarët e mbi të gjitha me SHBA. Emri i tij kritikohet kudo dhe askush nuk di të thotë se cili është roli i Kryeministrit dhe bashkëpunëtorëve të tij qeveritarë në këtë ngërç.

Mund që e gjitha të jetë edhe një paranojë, por Meta e beson këtë plotësisht. Nga ana tjetër, edhe pse ka më pak informacione, vështirë që Rama të jetë i kënaqur me Metën. “Të dashuruarit” e 1 Prillit, kanë rënë pre e mosbesimit të vjetër mes tyre dhe e simbolikës që ka data e marrëveshjes. Një marrëveshje e përkohshme dhe fallse. Të dy kanë hyrë në një betejë force në distancë, betejë që duket se daton nga Maji i këtij viti dhe që çuditërisht përkon me hapjen e ceshtjes DIA. Targeti kryesor i Metës duket Ministri i Brendshëm Tahiri, pikërisht ai që ka përgatitur dosjen e Ismailajt dhe ja ka dërguar atë Prokurorisë për pastrim parash. Me gjasë Meta e ka konsideruar hetimin ndaj Ismailajt si një tentativë për të përfshirë brenda Metën dhe dokumenti i Clifford Chancë mund t’ja këtë përforcuar këtë bindje.

Edhe pse e gjitha ngelet në kuadrin e hamendjeve, duket se impulset e reja janë thjeshtë pickime të vjetra. Nëse Qeveria ka nevojë për impulse; nëse vendi ka nevojë për zhvillim, Meta e ka shumë kollaj. Ai mund të ftojë Ramën të kalojnë bashkë ligjin e dekriminalizimit, për të pastruar parlamentin nga banditët dhe vrasësit; ai mund të ftonte Ramën të mos fusin më në listat politike të partive biznesmënë të mëdhenj që e shohin politikën si katapultë për përfitime të tyre personale; ai mund të bënte një pakt për të forcuar edhe më shumë dënimin ndaj atyre drejtorëve që mjerojnë vendin duke ju marrë vartësve disa mijëra euro për vend pune; Mund të këmbëngulte që reforma në drejtësi të ishte një reformë e vërtetë që ti shërbente vendit dhe jo padronit të rradhës; që raportet me opozitën të ishin të ndryshme dhe jo këto që janë.

Kishte shumë mënyra se si mund ta bënte këtë, por Meta zgjodhi po atë stil që ka përdorur gjatë gjithë jetës së tij: mesazhin në distancë. Stil që Rama duhet ta ketë ditur mirë që atë moment që ka trokitur në derën e shtëpisë së tij në Gjirin e Lalzit. Tani duhet t’i bëjnë llogaritë bashkë, duke humbur në labirinthet e pakënaqësive dhe paranojave dhe duke e lënë vendin pa qeverisje reale! Edhe pse të gjithë e dinim këtë edhe të gjithë ë paralajmëruan që në 1 Prill 2013!



Ju sugjerojmë

“Kreditë për shtëpi, kufizimet imunizojnë tregun”
Aktualitet

“Kreditë për shtëpi, kufizimet imunizojnë tregun”

25 Maj, 2025 10:48 pm
50 mijë vizitorë në Kalanë e Gjirokastrës
Aktualitet

50 mijë vizitorë në Kalanë e Gjirokastrës

25 Maj, 2025 10:24 pm
Tiranë/ Plagoset me armë zjarri 48-vjeçari
Aktualitet

Tiranë/ Plagoset me armë zjarri 48-vjeçari

25 Maj, 2025 10:06 pm
“Operacioni Ukraina”:Kirurgët e Forcave të Armatosura të Ukrainës trajnohen në SHBA
Bota

“Operacioni Ukraina”:Kirurgët e Forcave të Armatosura të Ukrainës trajnohen në SHBA

25 Maj, 2025 9:58 pm
Një tjetër velierë mbetet në det të hapur, policia e Vlorës i shkon në ndihmë
Aktualitet

Një tjetër velierë mbetet në det të hapur, policia e Vlorës i shkon në ndihmë

25 Maj, 2025 9:42 pm
Bossi shqiptar i drogës për Daily Mail:Policia britanike nuk do të na mposhtë kurrë!
Aktualitet

Bossi shqiptar i drogës për Daily Mail:Policia britanike nuk do të na mposhtë kurrë!

25 Maj, 2025 9:25 pm
Aksidenti në Gjermani/Po ktheheshin nga një festë familjare, por minibusi…
Aktualitet

Aksidenti në Gjermani/Po ktheheshin nga një festë familjare, por minibusi…

25 Maj, 2025 9:03 pm
Anija pëson defekt në det të hapur, shpëtohen dy shtetas të huaj në Gjirin e Gramës
Aktualitet

Anija pëson defekt në det të hapur, shpëtohen dy shtetas të huaj në Gjirin e Gramës

25 Maj, 2025 8:38 pm
Sylvinho prezanton nesër listën e Kombëtares për ndeshjet kualifikuese të Botërorit
Kryesore

Sylvinho prezanton nesër listën e Kombëtares për ndeshjet kualifikuese të Botërorit

25 Maj, 2025 8:14 pm
Aksident i rëndë në Gjermani, humbin jetën tre shtetas shqiptarë
Aktualitet

Aksident i rëndë në Gjermani, humbin jetën tre shtetas shqiptarë

25 Maj, 2025 7:55 pm
Para
Studentët sot në protestë para Kryeministrisë

Studentët sot në protestë para Kryeministrisë

Bisedime intensive, Rama Meta takohen në Kryesi

Bisedime intensive, Rama Meta takohen në Kryesi

4 këshilla për një super puthje

4 këshilla për një super puthje

Please login to join discussion















TE FUNDIT

“Kreditë për shtëpi, kufizimet imunizojnë tregun”

“Kreditë për shtëpi, kufizimet imunizojnë tregun”
25 Maj, 2025

Vendosja e kufizimeve nga Banka e Shqipërisë për kreditë për blerjen e shtëpive, sipas ekspertit të ekonomisë Selami Xhepa do...

Lexo më shumë

50 mijë vizitorë në Kalanë e Gjirokastrës

50 mijë vizitorë në Kalanë e Gjirokastrës
25 Maj, 2025

Nuk është periudha e pikut të sezonit turistik, por Gjirokastra zgjidhet nga vizitorë të shumtë edhe në këto ditë të...

Lexo më shumë

Tiranë/ Plagoset me armë zjarri 48-vjeçari

Tiranë/ Plagoset me armë zjarri 48-vjeçari
25 Maj, 2025

Një 48-vjeçar ka mbetur i plagosur me armë zjarri mbrëmjen e sotme në zonën e Freskut, në Tiranë. Sipas njoftimit...

Lexo më shumë

“Operacioni Ukraina”:Kirurgët e Forcave të Armatosura të Ukrainës trajnohen në SHBA

“Operacioni Ukraina”:Kirurgët e Forcave të Armatosura të Ukrainës trajnohen në SHBA
25 Maj, 2025

Lufta në Ukrainë ka krijuar një kërkesë të jashtëzakonshme për kirurgë të specializuar në trajtimin e plagëve të luftës dhe...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com