Pasi Presidenti Ilir Meta kërkoi anullimin e projektit të Unazës së Re, ka reaguar kryeministri Edi Rama. Më anë të një statusi në Twitter Rama shkruan se Meta e urren qeverinë njësoj si opozita duke e quajtur drejtuesin më të zotë të saj.
Statusi i plotë:
“E vërteta është se IM është drejtuesi më serioz i opozitës.Kushtetutën e lexon njësoj si ata.Qeverinë e urren njësoj si ata.Rrëmujën e uron njësoj si ata.Po ndryshe nga ata,ai i ul vartësit të mbushin çarçafë me dokrra “ligjore” dhe budallallëkut i del për zot pa pikën e galjes”, shkruan ai.
Kreu i shtetit, Ilir Meta pas takimit me një përfaqësi banorësh të Unazës së Re në Tiranë ka publikuar qëndrimin e tij zyrtar duke vënë në pah se projekti i Unazës së Re ka shkelje të shumta ligjore. Ai kërkoi nga institucionet që të nisin dialogun me banorët e Unazës së Re, ndërkohë që bëri thirrje që projekti të anullohet menjëherë.
