Kryeministri Edi Rama ka qenë sot në Berat, në Urën Vajgurore, Poliçan dhe Çorovodë. Në mes shumë takimeve ai ka patur edhe një takim me arsimtarët. Rama tha se shteti do të rrisë rrogat e mësuesve me 10 për qind, që sipas tij është rritja më e madhe që bëhet ndonjëherë. Për Kryeministrin, rrogëtarët më të paguar në vend janë mësuesit.
“Ne kemi bërë një rritje rrogash në fakt, nëse ju do ta masni me paratë që ju ngelen në xhep e jo me paratë që merrni në bordero, duke e ulur taksën e sheshtë që ishte 10% dhe duke bërë që paratë që mbeteshin në xhepin tuaj pavarësisht se rroga ishte po ajo, por kemi besuar e besojmë që nuk mjafton. Me këtë nuk po ju them që kjo që do bëjmë mjafton, por po ju them që kjo që do bëjmë i bën mësuesit nga rrogëtarët më të mirëpaguar në Shqipëri”, tha Kryeministri.
“Shteti do të vendosi 100 milionë dollarë plus një subvencion për rrogat dhe pensionet ku 18 milionë pre tyre janë vetëm për arsimin”, vijoi ai.
Sistemi i taksave nuk ndryshon, tha Rama, duke shtuar se rritja e pagës minimale do të jetë me 35%.
