Kryeministri Edi Rama ka marrë meritat për Saimir Tahirin që dje dorëzoi mandatin e deputetit, edhe pse nuk pranon se e ka influencuar. Po kaq sot është arrestuar nga policia gjermane, Arbër Cekaj, pronari i Arbri Garden ku u kapën 613 kg kokainë. Edhe për këtë Kryeministri thotë se erdhi fale bashkëpunimit të policisë sonë me ndërkombëtarët. Më tej ai sulmon opozitën që nuk ia njeh këto merita qeverisë.
Statusi i plotë i Kryeministrit në facebook
Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar? Sa gjynah më vjen për ata që ende u besojnë këtyre vulëhumburve pa atdhe.Po duan s’duan këta Shqipërinë do ta bëjmë. Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota, po se ne themi atë që bëjmë e bëjmë atë që themi!E jemi ne e askush tjetër që mund ta kalojë detin që ndan të thënat nga të bërat,sado baltë të na hedhin dhe zjarre marazi të ndezin”, shkruan Rama në facebook.
/Opinion.al
