TIRANË- Kur iku dhe kur u kthye?! Kjo është pyetja që të vjen në mendje sa herë njoftohesh për udhëtimin e radhës të Kryeministrit Edi Rama. Bëhet fjalë për udhëtimet zyrtare, pasi ato jozyrtare janë akoma edhe më të shpeshta, sidomos në drejtim të Italisë.
Nga një analizë e thjeshtë, rezulton se vetëm gjatë muajit të fundit (24 tetor-23 nëntor) Kryeministri i vendit tonë, Edi Rama ka udhëtuar 5 herë jashtë vendit, në vizita që kanë zgjatur jo pak por me 2-3 ditë.
Pa i hyrë analizës se sa të frytshme janë këto vizita të Kryeministrit, në çdo kohë dhe pavarësisht situatës në vend, po ju sjellim vetëm datat dhe vendet e vizitave të tij të fundit.
24 Tetor, Kryeministri Edi Rama zhvillon një vizitë në Bruksel. Merr pjesë në samitin e krizës së emigrantëve (Qendrimi: 24, 25 tetor)
26 Tetor, Kryeministri Edi Rama niset për një vizitë zyrtare 3 ditore në Hong Kong (Qendrimi: 26, 27, 28 tetor)
12 Nëntor, Kryeministri Edi Rama vizitë dyditore në Landin e Hessenit në Gjermani. (Qendrimi 12, 13 Nëntor)
19 Nëntor, Kryeministri Edi Rama zhvillon një vizitë zyrtare dyditore në Turqi. (Qendrimi: 19, 20 Nëntor)
23 Nëntor (sot) Kryeministri Rama niset për një vizitë në Kinë. Koha dhe qëllimi i vizitës ende nuk është zyrtare.
Kështu, rezulton që Edi Rama gjysëm muaji është në Shqipëri dhe një gjysëm tjetër e shpenzon nëpër Botë.
http://opinion.al/rama-ne-kine-ckerkon-atje/
