Në një kohë kur makinat e qeveritarëve janë kthyer sërish në vëmendje, pas lajmit se qeveria shqiptare ka vendosur të udhëtojë me “Jaguar”, vendosëm të shohim se me cfarë mjetesh udhëtojnë drejtuesit qeveritarë në vende të ndryshme të Evropës. Vlen të theksojmë, se nga ky vështrim, pjesa më e madhe e qeveritarëve në botë, preferojnë makina të prodhuara në shtetet e tyre. Ndërsa ata që nuk prodhojnë? Le t’i shohim më poshtë!
Maqedonia
Kryeministri i Maqedonisë, lëviz me Mercedes-Benz S-Class të blinduar, shoqëruar nga 4 Skoda Yeti.
Italia
Qeveritarët italianë lëvizin me makinën që prodhojnë vetë dhe që me sa duket krenohen. Është fjala për “Lancia”, e cila i ka shoqëruar liderët italianë në vite. Aktualisht më i preferuari është modeli Lancia Thesis, por parkingu qeveritar përmban edhe makina të tjera të njohura, si Alfa Romeo 159 , Audi A6 dhe A8, BMW Seria 5 apo Mercedes-Benz W212 dhe W221.
Mali i Zi
Kryeministri i Malit të Zi dhe zyrtarët e lartë përdorin kryesisht Audi A8, ndërsa zyrtarët e një niveli më të ulët, përdorin Mercedes-Benz, E-Class.
Gjermania
Është lider i prodhimit të makinave dhe kur mendon për një gjerman, nuk mund të mos mendosh për Mercedes Benz. Përgjatë viteve, drejtuesit politikë në Gjermani kanë përdorur Mercedes. Aktualisht, kancelarja Merkel përdor një Audi A8 të blinduar e po kështu edhe qeveritarë të tjerë gjermanë, zgjedhin markat e makinave të prodhuara në vendn e tyre si Audi A8, Volkswagen Phaeton, BMW Seria 7 dhe Mercedes-Benz S-Class.
Greqia
Kryeministri grek zakonisht përdor një Mercedes – Benz, S600, nderkohë që kabineti i tij përdor një makinë më të lirë, E class.
Slovenia
Në Slloveni, kryesisht përdoret Audi A6 ose A8, por edhe BMW X5 si makinë shoqëruese.
Kosovë
Ministrat dhe drejtuesit kosovarë preferojnë kryesisht makinat gjermane, Audi A6 dhe A8.
Franca
Edhe liderët francezë promovojnë makinat e prodhuara në vendin e tyre. P.sh, presidenti mund të zgjedhë midis varianteve të shumta të blinduara të makinave Citroen DS5 Hybrid4, Citroen C6, Renault Vel Satis dhe Peugeot 607. Sarkozy preferonte Renault, ndërsa Hollande Citroen C6.
Serbia
Në Serbi, politikanët udhetojne kryesisht me Mercedes. Presidenti i vendit përdor një Mercedes-Benz të blinduar, S-Class W221 (S 600 Guard).
Anglia
Kryeministri anglez është ai që përdor kryesisht Jaguar dhe pikërisht modelin XJ që ka vendosur të blejë edhe qeveria shqiptare. Me sa duket ndikimi britanik vazhdon të jetë i fortë tek Kryeministri ynë!
