Në mbledhjen e sotme të Komisionit të Sigurisë Ministri i Mbrojtjes Niko Peleshi i është përgjigjur deputetit të PD Ervin Salianji, i cili ngriti pyetjen nëse ia vlen që kryeministri Edi Rama të lëvizë me charter kur këto të fundit kushtojnë miliona euro në vit.
Peleshi deklaroi se mbrojtja nga zjarri dhe lëvizjet e kryeministrit Rama janë dy çështje që nuk janë të lidhura me njëra tjetrën. Më tej ai tha se udhëtimet me Charter kanë lidhje me dinjitetin e një shteti.
“Refuzoj t’i përgjigjem pyetjes nëse duhet një charter qeveritar. Është një pyetje retorike. Është një pyetje retorike nuk ka renditje të tillë.
Se i bie që ne të bënim investime publike vetëm kur të mos kishin asnjë person me ndihmë ekonomike. Kur të mbaronin… Nuk kanë lidhje me njëri tjetrin. Po flasim për emergjencat. Charteri ka lidhje me dinjitetin e një shtetit ndërsa helikopterët janë diçka tjetër”, deklaroi Peleshi.
