Kryeministri Edi Rama është shprehur se de-përshkallëzimi i menjëhershëm i situatës në veri të Kosovës është domosdoshmëri. Në një reagim në rrjetin social “Twitter”, Rama shkruan se de-përshkallëzimi është rruga e duhur për një fazë të dialogut mes Kosovës dhe Serbisë.
Reagimi i kryeministrit ka ardhur pas takimit me Presidentin e Këshillit Europian, Charles Michel, në Bruksel.
Ndër të tjera ai shton se rajoni nuk mund të merret peng nga askush.
Rama thekson se me presidentin e Këshillit Europian, Charles Michel, ndau të njëjtin mendim se lirimi i tre policëve të Kosovës sot ishte një lajm shumë i mirë, megjithëse i vonuar.
“Domosdoshmëria e depërshkallëzimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush”,-shkruan Rama./Opinion.al
Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar!
Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për… pic.twitter.com/k5YFtUn6Jn
— Edi Rama (@ediramaal) June 26, 2023
