TIRANË- Qeveria ka “përkujtuar” sot ditën e nisjes së aksionit kundër vjedhjes së energjisë. Kryeministri Edi Rama dhe drejtori i OSHEE, Ardian Çela nxorën në pah arritjet e këtij aksioni. Për herë të parë Kryeministri ka folur edhe për atë që njihet me emrin ‘afera e CEZ’, duke i dalë si fillim në mbrojtje ministrit Gjiknuri. “Sot, ministri që udhëhoqi operacion historik është nën akuzë nga ata që janë përgjegjësit kryesorë të asaj që gjetëm 1 vit më parë, një kompani e marrë fund me 1 mld dollarë borxhe të krijuara në vetëm 6 vjet, nga 2007 deri në vitin 2014”.
Sakaq ai u shpreh për hetim, por jo tërësor siç e kërkon opozita. “Pazaret e faktuara me dokumenta do të jenë pjesë e hetimit penal që ne do të kërkojmë me mbështetjen e ekspertizës ndërkombëtare”.
