Kryeministri Edi Rama do të mbledhë sot strukturat e PS së Vlorës në teatrin “Petro Marko”. Klan news raporton se të pranishëm në këtë mbledhje do të jenë deputetët aktualë të këtij qarku kryesia e PS, kryetarët e PS në njësitë administrative të bashkisë si dhe anëtarët e Këshillit Bashkiak.
Kujtojmë se prej javësh teatri ‘Petro Marko’ është kthyer në një pikë debati mes kryebashkiakut Leli dhe këshillit bashkiak të Vlorës, pasi këto të fundit kërkojnë të organizojnë mbledhje fizike aty, ndërsa Leli nuk e lejon këtë gjë me arsyetimin se nuk mund të bëhet për shkak të rregullave të vendosura për pandeminë.
Kreu i qeverisë ndodhet prej dy ditësh në Vlorë, ku ka inspektuar punimet e kryera në infrastrukturë. Sikurse ka vepruar edhe më herët Rama ka shmangur takimet e tij me kryebashkiakun Dritan Leli.
Rama ka qenë i shoqëruar gjatë inspektimeve nga nënkryetari i bashkisë, Afrim Qëndro. Po përtej shmangies së kontaktit me Lelin, Rama ka injoruar edhe vendim e tij në lidhje me mos hapjen e teatrit ‘Petro Marko’ për takimin me PS.
Marrëdhëniet e kryeministrit Rama me kryebashkiakun e Vlorës që pas refuzimit të këtij të fundit të ftesës për tu bërë kandidat për deputet në qarkun e Vlorës./Opinion.al
