Kryeministri Edi Rama, do të mbledhë sot në Velipojë qeverinë e re në një takim informal. Ky takim vjen disa ditë pas mbledhjes së zhvilluar në Llogara, ku Rama mori vendimin se viti 2018 do të jetë viti i Skënderbeut. Takimi zhvillohet pak ditë përpara se ministrat e rinj të qeverisë të dekretohen nga presidenti Meta.
Në mbledhje do të marrë pjesë Gramoz Ruci i propozuar si kryeparlamentar, si edhe Taulant Balla i propozuar si kreu i grupit parlamentar. Në takim pritet të diskutohet mbi planin e punës me te cilin do të nise qeveria ‘Rama 2’.
Presidenti i Republikës Ilir Meta ka dekretuar thirrjen e seancës së parë të Kuvendit të Ri të dalë në zgjedhjet e 25 qershorit, i cili do mblidhet ditën e shtunë në datë 9 shtator 2017 në orën 10:00.
Në seancën e parë të Kuvendit, pritet të ngrihet Këshilli i Verifikimit të Mandateve, i cili del me një raport të posaçëm për konstitutimin e Kuvendit të ri dhe verifikimin e mandateve të deputetëve të dalë nga zgjedhjet.
