Është zhvilluar sot paradite mbledhja e Kryesisë së PS-së me dyer të mbyllura. Burime nga mbledhja thanë se kryetari Edi Rama ka kërkuar që të punohet me zgjedhjet brenda kësaj force politike, pasi ka kaluar afati.
Rama ka kërkuar që të bëhen zgjedhjet për kryetar të partisë në ato rrethe ku nuk janë zhvilluar ende.
Të njëjtat burime thonë se në asamblenë e ardhshme të Partisë Socialiste është vendosur që të raportojnë kryetarët e bashkive.
Tri ditë më parë, Partia Socialiste zhvilloi mbledhjen e Asamblesë së Përgjithshme të PS, ku u diskutuan 100 ditët e para të qeverisë Rama 2.
