Është duke u zhvilluar mbledhja e Komitetit te Koordinimit dhe Menaxhimit të Emergjencave Civile e cila është thirrur nga vetë kryeministri Edi Rama.
Të gjithë ministrat e qeverisë po raportojnë për situatën ne terren, ndërkohë që këshilltari për Sigurinë ka deklaruar gjatë kësaj mbledhje se janë të paktën 128 mijë abonentë kanë mbetur pa energji elektrike. Ai raportoi po ashtu se 23 shkolla janë dëmtuar dhe për pasojë nuk mund të nisin mësimin ditën e hënë.
Gjatë fjalës së tij Xhafa ka shprehur se të gjitha autoritetet e Ministrisë së Brendshme dhe ato të Mbrojtjes janë në terren ku edhe do të bëjnë një pasqyrim të situatës për të nxjerr në pah sipas tij përgjegjësit e institucioneve, apo individëve që kane thyer ligjin.
“Kanë qenë 24 orë të vështira, për shkak të bllokimit të disa rrugëve në vend. Kanë qenë të gjithë në shërbim të forcuar, dhe një gatishmëri të plotë. Dua të pohoj se kemi pasur një partneritet me Forcat e Armatosura ka qenë shumë i mirë dhe nëse vazhdohet kështu mund të përballojmë çdo situatë.
Dua të ngre një problem, lidhur me faktin që në shumë nga këto akse ka ndërtime të objekteve pa leje, ka ndërhyrje në shtratit e lumenjve. Mendoj që menjëherë pas kësaj situatë, duhet që të bëhet një vëzhgim në teren për të nxjerrë përgjegjësitë, për subjektet që kanë thyer ligjin”, tha Xhafaj.
/Opinion.al
